يا ترد يا متدخلش وسؤال مهم جدا

بسم الله الرحمن الرحيم

اولا

انا اسفه على العنوان

بس انا عاوزه كل الناس ترد

وتشارك

ثانيا

سؤال مهم جدا

والكل لازم يجاوب

انت ليه سجلت هنا

فى حب

وبناء على الاجبات هيكون فى اسئله تانيه

ثالثا

انا عارفه ان ده يمكن ميكونش مكان للموضوع ده

بس انا حطيته هنا علشان يمكن يلفت انظار الجميع

وميرسى جدا ليكم

ومستنيه الردود

2wel 7aga

teslami 3ala eltobic elgamed dah

tane 7aga

ana ashtrakt hena 3ashan ana b7eb elmontdiat awe

we kaman 3ashan a3raf as7ab gedida

we ente b2a ashtrkte hena lllleh???

ميرسى يا ميدو على ردك معايا

واعتقد ان دى اسباب
تخليك تزود من مشركاتك معانا
وتوربنا اجمد شغل
ان شاء الله

وردى على سؤالك
هقوله متقلقش

بس بعد ما الكل يجاوب
ان شاء الله

في ناس كتير بتدخل المواضيع ومش بترد وده بيضايقني جدا وكويس ان في حد ناقش الموضوع ده يعني الاقي مثلا المشاهدات 18 وردود 2 يبقي بجد حرام وشغل علي الفاضي وارجو من كل عضو الرد اثبت وجودك ولاترحل بدون رد وانا سجلت هنا بس عشان خاطر مادو بتاع الريموت وعشان نقوم المنتدي علي رجله وبشكرك ياباشا علي اهتمامك بموضوع بجد مهم بالنسبه للمنتدي كله وشكرا مره تانيه باشا Like a Star @ heaven

ثانكس يا ميدو

على مرورك وردك معانا

وانا بايدك انا كمان

انا هنا فعلا علشان مادو

وعلشان انا بحبه وحبيت المنتدى

شغاله ومش نايمه
يجماعه بجد
انا عملت الموضوع ده للناس الى نايمه

فين الشغل
ولما انت مش عاوز تشتغل بتسجل ليه

الناس كلها بتشتكى انها بتعمل مجهود وبتشتغل
وفى الاخر مش بتلاقى حتى كلمه شكر

طيب ليه انا عاوزه افهم

؟؟؟؟؟؟؟؟؟؟؟؟؟؟؟؟

حلو الموضوع دة جداااا
انا سجلت هنا لما احمد ادانى المنتدى وقالى انة هو اللى عملة فسجلت عادى
اما بالنسبة لموضوع الردود وكدة فى ناس كتير بتسجل مجاملات عشان عارفين صاحب المنتدى وخلاص
فموضوع الردود دة مش مشكلة جامدة يعنى مادام فى عضو ساب كومنت فكويس اوى ولو عملتو موضوع ومحدش ساب فية اى كومنت فعادى بردو ماتخدوش الحكاية بحساسية جامدة عشان متحبطوش اى منتدى فى الاول بيكون كدة وان شاء الله المنتدى يكبر بيكو ويكون من احسن المنتديات

انا سجلت فى المنتدى لسببين
الاول علشان مادو
والتانى علشان انا فعلا عجبنى المنتدى بفكرته وفى مواضيع كتيرة حلوة وعلى موضوع الردود ده طبعا هو موضوع يضايق لانك بتقعد تدور على مواضيع وتكتبها وفى الاخر تحس انك معملتش اى حاجة بس بلاش الاحباط ده بكرة المنتدى ده هيقوم على رجله والناس كلها هتعرفه وهتلاقى بدل الرد ميه فعلى راى رنا متخدوش الموضوع بحساسية اوى

اولا ميرسي عالموضوع
ثانيا انا ممكن اقول السبب انا سبب ما اشتركت اكيد مااااااااااااااااادو لانه يستاهل ان اي حد ينفذ كلامه ويشترك ويعمل حاجات بجد عشان خاطره
اما على الردود يمكن عشان مفيش اعضاء كتير احنا لسه بنبنيه زي المستشفى الجديدة اللي لسه بتتبني ينفع نيجي وهي لسه الاجهزة موصلتش ونقول مفيش عاينين ليه
بس بصراحة لازم نشارك ونرد على قد ما نقدر عشان ننجز
واسفة عالرد المتاخر

اولا ميرسى رنا ميرسى همسه ميرسى سماح على ردودكم ومروكم

واهتمامك

ثانيا ولا يهمك يسماح المهم انك اثبتى وجودك معانا

ثالثا
الاغلبيه موجوده علشان مادو بجد مادو محبوب من كل الى بيعرفوه ويستاهل مننا اكتر من كدا بكتير ووالله انا مش بجامل بجد
وبلاش تغير هه انت فهمنى

ما علينا

رابع حاجه بقى موضوع الردود رنا بتقول مش مشكله احنا لسه
اه يا رنا انا معاكى انه لسه
بس عددنا دلوقى فوق الثلاثين

لو كل واحد مننا بس مسك قسم واحد ورد عليه ولا بلاش قسم
نصه
ربعه

موضوع واحد فى اليوم لكل قسم مع موضوع ليه

تفتكر هتكون مشكله؟
من ان الناس تتعب فى مواضيع ومفيش اى رد
مش عارفه بجد
المنتدى كله مش شغال فيه غير نقول مثلا 5 ده بالكتير

يجماعه بجد

نفسنا نكون سوا دايما

علشان نرتبط ببعض اكتر
ونكون اصحاب

انا بجد حبتكم قبل ما اتعرف على حد منكم
فمبالكم لو اتعرفنا ببعض

بجد ممكن نكون جروب هايل سوا

لو عشنا سوا هنا

وعرضنا افكرنا ومشكلنا وحلولنا على بعض

واتنقشنا وفرحنا سوا
بجد هتكون روحنا حلوه قوى سوا

بجد بتمنى ادخل يوم كدا المنتدى

الاقى كل الناس الى بحبهم متجمعين

وعلى فكره يا جماعه

بودى كان من الاعضاء النشطه جدا معانا وفى يومين عمل شغل هايل بجد

وولكن كان نشاطه بيقل يوم عن التانى

بسبب ان محدش بيعبره بصراحه

انا كنت بعمل الى عليا ومسبتلهوش موضوع مردتش فيه

لانه بجد كان داخل ومتحمس جدا للمنتدى وانه جديد وكان بيتمنا انه يكون احسن منتدى

بس بودى دلوقتى زهق ومل
وده طبيعى لاى انسان يعمل كل المجهود ده

ومش يلاقى اى كلمه شكر على الاقل

فياريت بجد لكل عضو
مشارك فى حب

بجد حسسنا بوجودك

ومتغبش عنا

بجد وجودك مهم بالنسبه لنا

وبشكر كل واحد بجد اهتم بالموضوع ودخل وقال رايه

انا عن نفسي معاكي واذا غبت في الرد متزعلوش اعرفوا ان النت تقيل عندي اوي يااما رمضان شاغلني شوية
وبعدين انا مش عاوزة اي حد يزعل مني يمكن انا مقصرة انا عارفة بس غصب عني
رمضاااااااااااااااان يا جماعة اكيد واخد الكل

لا خالص يسماح انتى عامله الى عليكى
وانتى من الناس النشيطه جدا هنا
ميتهيقلش دخلت يوم المنتدى وانتى مكنتيش موجوده
او مشفتش ليكى موضوع او رد

انتى عامله الى عليكى يا باشا والله

واتمنى ان الى حاصل ده يتغير بعد رمضان

بصى هقولك حاجة اذا كان احمد نفسة صاحب المنتدى مش بيحط توبيكس كتير ولا بيسيب حتى كومنتات كتير يعنى المفروض اكتر واحد يكون مهتم بالمنتدى ومش دة طبعا اللى بيحصل وزى مانتى قولتى يا قد الحب ان كلة داخل عشان احمد يعنى المفروض يهتم هو شوية ومن اهتمامة هتلاقى اهتمام الاعضاء
واهم حاجة عايزة اقولهالكم مش معنى ان مفيش كومنتات للتوبيكش انها مش حلوة

اكيد اللي بتقوليه صح مش معنى كثرة الردود عالموضوع ده حلو ولا وحش بس برضه ضروري الاهتمام
اما عن صاحب المنتدى اللي غايب اعتقد ان فيه مشرفين في حالة غيابه يقوموا بالواجب ولا ايه
وكمان اللي اعرفه ان احمد النت عنده مدمر عشان كدة مش بيجي
وفي الاخر لكل واحد ظروفه

اوك بس مش معنى ان النت مدمر انة مايسبش توبيكس فى المنتدى يا بنتى هو الاساس
و اوك معاكى ان فى مشرفين وكدة وعارفة انهم مهتمين بس مش كتير على الاقل فى الوقت الحالى بما انة صاحب المنتدى لازم يكون فى اهتمام منة اكتر من كدة
وعلى فكرة انا مش بجيب اللوم كلة على احمد لان اى منتدى فى الاول بيكون كدة وبعد كدة يكبر واحدة واحدة

طيب
بس بجد
احنا لازم مادو يجي بسرعه بقى
لو مش عشان المنتدى
يبقى عشان وحشنا
انت فين يا احمد
يااااااااااااااااااماااااااااااااااااااااااااادو

فعلا يا سماح كل واحد وعنده ظروف

ومادو مش بيغيب عننا غير لو فى حاجه صعبه فعلا
والنت وحش قوى عنده الايام دى

بس ان شاء الله
هو هيكون معانا

وبالنسبه لمشاركاته

مادو مشغول فعلا شويه عن الموضوع ده

وده لان المنتدى لسه بيتظبط فى حجات كتير

وعلى قد ما يقدر بيراقب المواضيع يوميا

وبيشوف الاخبار ايه

وعموما يا سماح مادو وحشنا كلنا

واكيد هيرد عليكم

ثانكس
لمروركم

انا جييييييييييييييييييييييييييييييييييييت انا اسف طبعا على الغيبه والله النت كان مدمر وانا جيت وهرد على كل اسالتكم وكل اللى انتم عايزينه منى هجاوبكم عليه ان شاء الله

منور يا باشا بجد

لدرجه ان الدنيا بقت ظلمه

ومش شايفه اى حاجه
Wink

اول بجد برافه عليكى يا قد الحب على الموضوع الجاااااامد دا

دلوقتى احنا مش اعضاء كتيير صح بس لمه بيقى فى تحمص مننا كده فى بعضينا وكلنا نرد على موضيع بعض وبعدين معلش مادوا مزعلنى اوى انه مش بيعبر وعايز مننا مجهود معلشى انا دلوقتى بطلت احط موضيع لحد مالقى تحسنات فى المنتدى

احمد سمير
همسه
قد الحب
حمادة حسن
بودي
فين الباقي
ريموس نادرا ما هي ورحاب وماركوني كمان معاهم ورنا
لهو خفي مايسترو باقي الاعضاء مفيش اختفوا
سومة حبة وحبة
معلش للاسماء اللي متذكرتش
ياجماعة انتوا فين
لا بقى حد يدخل ولا حد بيرد الا ناس معينة

انا برضه عايزة اعرف الناس راحت فين مبقاش فيه غير خمسة بس اللى بيردوا مش معقول كده يعنى
فكل واحد يسيب كومنت على الموضوع اللى عاجبه واعتقد ان اكتر المواضيع هنا كلها جميلة فى المنتدى - كده يبقى مجهودنا وتعبنا علشان المنتدى ينجح راح على الفاضى بس انا شايفة ان كل واحد كاتب موضوع كويس يبقى تعبه مرحش على الفاضى حتى لو مفيش حد رد بس اتقرا بس برضه لازم كل واحد يسيب كومنت لازم نشجع بعضينا ان المنتدى يكمل -ولما يقف على رجليه مش عاوز تسيب كومنت براحتك المهم انك ساعدت فى نجاح المنتدى ووقوفه على رجله وهتفرح انك عملت حاجة ساعدت بيها غيرك شجعت ناس وخليت المنتدى يقف على رجله

بصراحه سجلتلما احمد ادانى المنتدى
فانا بشجع كده جدا
وكمان اسم المنتدى شنى جدا لانى بحب المواضيع الرومانسيه جدا
بالنسبه للردود انا برد على التوبك الى بيعجبنى فى اى منتدى بشترك فيه مش ده عشان المجاملات ديه تعتبر كدب

فاكيد بتعجبنى حاجات كتير جدا فى المنتدى ده بجد والله فبرد عليها لما بقراها

ثانكس بطه على مرورك يا قمر

ومنورنا

وربنا يخليكى لينا ودايما منوره بردودك

merci 3a sou2ak ana chtarakt fe lmountada awel 7aga gazabtny kelmet l7ob fa chtarakt we kount ma7zouza eny dakhalt we t3araft 3ala as7ab goumal zaekou we kaman kelmyt l7ob de 3ynde ana kter ba7taremha we ba7ebaha awe kolaha e7ssas we gamal 7ata law betkoun asseya 3alyna ma3a le 7na ben7ybouhom bass bardou ben7baha btedyna l2amal we lfar7a we sa3ada fa ya rab edoumha 3alyna we 3lekoum kolha 7ob fe 7ob ya rab we chokran we asfa law kan feh akhta2 I love you

» لو خايف على نفسك متدخلش؟...