اقرا ورد وقول رايك وحلك لو تقدر تساعد

راى انها بتحبه وهو حبها الوحيد بس انا لو مكانها خلاص انساه وعارف انه صعب وافكر فى الانسان التانى اللى دخل البيت من بابه ده اعتقد انه احسن من الاولانى بكتير

ممكن عشان بتفتكر بية الى حصل مش اكتر او عشان ماكنتش تتخيل ان ممكن دة يحصل فى يوم من الايام بعد ما كانو بيحبو بعض بجد بس الاكيد الى هى فية دلوقتى تعذيب وذكريات مش اكتر لما بتفتكرها بتضايقها مش حب ممكن نقول حنين وهى ضميرها بيعذبها عشان الحنين دة

صدقينى انا محللة جيدة

انا من رايي انها تبقى مع التانى لان خلاص الاول اتجرحت منه وممكن ترجعله وتتجرح تانى
وبعدين التانى بيحبها ومقدرها انا من رايي انها تاخد اللى بيحبها اكتر ما تاخد اللى هى بتحبه علشان هتتعب بعد كده
فانا رايي من راى رنا

طيب نمسكها نقطة نقطة هي حبت وهو حبها وانجرحت منه
معلومة اللي يحب حد بجد عمره ما يسيبه او يجرحه
واللي يحب حد يدور عليه وعمره ما يفرط فيه
اما حكاية انه اجع فده طبيعي لانه اكيد كعرفش يعيش نفس الاحساس اللي عاشه معاكي مع غيرك
وهو لو كان بيحبك كان سابك تعيش القصة التانية ويبعد مادام انتي سعيدة انما هو استكتر انه يشوفك عايشه الاحسس مع غيره وهو لا
فدخل تاني حياتك من جديد
وانا لو مكانك لا عارف المثل بتاع من حبنا حبيناه وصار متاعنا متاعه ومين فارقنا فاقناه يحرم علينا اجتماعه
هو كدة حبي خطيبك هو ده احق واحد بقلك واحساسك
ونصيحة متظلميش حد مظلمكيش لان ربنا بيعوض حق ناس من ناس

هاي عليكم

ها اذيكم يا جماعه اانا مسجل في المنتدي مخصوص علشان ارد

بصراحه في حاجه استفزتني في الموضوع

دلوقتي انتي بتقولي هما كبار ومش حب عيال

الي اانا شايفو دلوقتي في كلامك ان الحب ده حب عيال

اذاي هيه بتحب حاليا حب جميل جداا وسعيده بيه واذاي اول ما طلع الشخص الاولاني ارتبكت وبقا حالها كده

وانا بقا شايف انها ولا بتحب الشخص ده ولا بتحب الشخص ده

هيه اساسا شكلها كده متردده ومعلش يعني بتحب نفسهاا حبتين ونفسها اقوي منهااا...

اهيه دلوقتي متحيره تختار مين هما يعني الاتنين دول معندهمش كرامه ولا دم علشان واحده تختار ما بينهم

ده الواحد لو مش هيحب في حياتو ميخليش واحده تختار بينو وبين واحد تاني

ومعلش بقا انا رأي وحش شويه بس حاسس ان القصه متناقضه شويه وفيها تجريح لكرامه الشخصين

ميرسي ليكي

انا اسف لو كنت رديت بعصبيه شويه

بس علي فكره ده طبع فيه ومسببلي مشاكل كتير اوووي ويارب اخلص منو بقا

بس عاما المنتدي جميل اوووي واكتر حاجه شدتني ليه

اني ملاحظ ان كل الي هنا بيحبو عمرو دياب وحاسس

انكم اصدقاء مش مجرد تعارف علي النت ....

فا اتمنا مكونش دخيل رخم