هو الخطا مني ولا من مين بالظبط؟؟؟؟؟؟؟للشباب؟؟؟؟؟؟؟؟

ها انا اخط اليكم صفحات من كتاب حياتي يا عين .. صفحات من تاريخ الصراع مع الالم و المعاناه .. تلك المعاناه التي بدأت في سن مبكر جدا و على غير المعتاد .. و اخذت تتطور بداخلي حتى اوصلتني الى هذه النهاية التي انا فيها الان .. و لكن لكي نبدأ القصة من اولها دعوني اعود بالذاكرة الى الوراء .... الى الوراء اوي ............





(K.G 2)









- نيفين انا عايث اقولك حاكة بث مكثوف ..



- مكثوف من ايه يا جوجو .. قول كل اللي نفثك فيه ..



- بث انا خايف الا تثعلي



- اخث حليك يا جم جم .. انا عوملي مثعل منك .. و بعتين انته لو قلتلي اللي كواك .. انا كمان حقولك على اللي كواية و اثالحك



بكل حاكة



- انا كنت عايث اقولك ان المليلة بتاعتك قوثيرة اوي و مبينة لكليكي و احنا بلضوة ثباب تعبان .. حلام عليكي يا ثيخة



- طشش طرااااااخ



* هكذا كان رد نيفين .. او بالاحرى .. صوت الرد و هو رن على صداغي .. ده غير المدرس اللي مدني .. و الناظر اللي عبطني .. والمدير اللي هبلني و كان عايز يعملي محضر.. بس ربنا ستر و قدرنا نلم الموضوع



************







(اولى جامعه)



اول يوم في الدراسة :-



على باب الكلية وقفت في اسبهلال احاول استيعاب هذا المشهد الذي اراه لاول مرة في حياتي .. يا نهار اسود .. كل دي بنات !!



طب انا هادخل ازاي و انا عندي حساسية من البنات وارتيكاريا م الجنس الاخر .. عدت ادراجي لكني تذكرت ابويا اللي في البيت ..



الذي وعدته باني هرفع راسه و اجيب الشهادة الكبيرة عشان يحطها فوق سريره و يبصلها وهو بيموت و يقول انا عرفت اربي العيال..



استعذت بالله من الخبث و الخبائث و دخلت برجلي الـ..... لكني لم اتحمل لاكثر من عشرين متر كانت كل الحواس الخمسة تصرخ



في آن واحد .. مرت واحده لابسه ضيق بس كانت محجبة بس مش قوي يعني..قمت حاطط ايدي على عيني بلاها شوف ..



شوية و راحت معدية واحدة تانية حاطة برفان باريسي من اللي حطته جوزفين لنابليون قبل ما ينهزم .. قلت بلاها شم ..









و كتمت نفسي بايديه التانية .. و حبه و راحت واحده بنت حلال طلعت ضحكة من اياهم ... طب اعمل ايه ؟؟ اسد وداني ازاي ؟؟



ايد على عيني و ايد على مناخيري .. و لو غمضت عنيه حسد وداني الاتنين بأيد واحدة ازاي ؟! مافيش غير حل واحد قعدت



ع الارض و رفعت رجليه و حطتها على وداني زي الشمبانزي .. و عليه .. البنات قعدت تصوت .. و العيال تجري .. و اللي يقول ده مجنون..واللي يقول ده لابسه عفريت و لازم ينضرب بالجزم عشان العفريت اللي عليه يطلع ..



و هكذا لم اعد احتاج لان اخفي حواسي بعد هذا اليوم و ذلك لاني فقدتها بعد علقة احذية معتبرة ..









فقدت بعدها بصري تقريبا وصار طشاش و لم اعد اشم بانفي المتورم من الكدمات .. اما اذني فصار احداها تصفر باستمرار والاخرى بتشوش .....



************

ميرررررررررررررررررررررررررررسي